الاقصى نادى والندى غالي ...ويهون عشانه العمر لو غالي
? يسقط الواد وأبوه: مبارك _ مصر وجهان لعملة مش واحده

« Home | من لم يمت بالتاج مات بغيره » | أكتئاب » | رغم كل الامتحانات المغرضة » | حد فاهم حاجه؟ » | حكايتي مع كرسي الرئاسة » | يارب » | مشروع قانون » | كل عام وأنتم بألف خير » | النظرية المباركيه » | لأ يا عمده لأ »

مبارك _ مصر وجهان لعملة مش واحده


مصر لا تستحق الرئيس مبارك " مش عايز أي شتيمة من أي معارض قد تستغربون كلامي ولكن بالمقارنه بالاوضاع الراهنه والسابقه تتضح الرؤيه لنا "


1 – يعتبر الرئيس مبارك الأكبر " سنا" بين رؤساء وملوك الدول العربية ودول العالم ولكن نجد أن مصر هي الأقل بين دول العالم" سيبك من الريادة والكلام بتاع الاستهلاك الإعلامي ده " .

2- مبارك يملك حكومة غنية حكومة رجال الأعمال والليموزين وجميع أسباب الحقد الطبقي ومصر لا تملك إلا شعب فقير وكمان مديون .

3 – مبارك يخطط من الآن لمستقبل أبن جمال مبارك ومسألة التمرير الآمن والتوريث للحكم من جمال مبارك إلى أبنه

ومصر الآن تعيش اليوم بيومه لا تنظر إلى المستقبل وشبابها ينتظره الرصيف ومستقبل مظلم غير واضح المعالم .

4- سبحان الله مبارك علاقاته الخارجية امتياز مع مرتبة الشرف وسمنه على عسل حتى مع اليهود أولاد عمنا ومع ذلك مصر مستهدفه من كل جانب.

5- مبارك يحسن اختيار أصدقاء أبناءه زى عز ملك الحديد ولكن مصر لا تحسن اختيار أصدقاء أولادها " سيبك من نانسي وهيفاء والفقر والجنس والفول والطعمية والمخدرات " فنجد أن أصدقاء ولادك يا مصر هم من أمثال ممدوح إسماعيل ويوسف والى وغيرهم .

6. أكيد أبناء مبارك لديهم الفخر أنهم أبناءه ولكن أبناء مصر ينكرون هذه البنوة حتى لا يتم ترحيلهم أليها من الخارج ...... الشباب اللى ببجي له الضغط لما يسمع أغنيه نانسي أنت مصري

7-مبارك الأقوى بجيوش الداخلية ولكن مصر الأضعف بسلبية شعب وضعف أرادتهم .

8 – في النهاية مبارك هو اللى ماسك مصر " حاكمها " مش مصر اللى ماسكه فيه " مجبر أخاك لا بطل .

سيدي الرئيس أيها القابض على الجمر شكرا لك ولحكوماتك النظيفة على كل هذه المدة التي زادت على الربع قرن نحن لم ولن نقدر قيمة سيادتكم


ROMIL

Arabforever2004@yahoo.com

بناء على طلب الأخ الكريم واحتراما لرأيه ومدونته سأمتنع مرغما وحزينا وغضبانا ووو لأني لن أتمكن من قولها لك هاهنا .. الكلمه اياها اللي انته عارفها يا ريس .. أصلك يعني

المهم يا ريس
من يوم ما كتمت على زمارة رقبة البلد ومنعتها من التزمير وطربقت الفرح على دماغنا واحنا بنسمع منك مر الشكوى من الفقر ونقص الموارد والعوز والجوع وكل البلاوي

طيب ما تريح بقى يا ريس .. سيبك من البلد الفقر دي بقى

معقوله ترزي بيها إبنك فلذة كبدك؟

مش بتقول إنك بتعاني؟
طيب ليه هتموت وتبيض عشان إبنك يعاني؟؟؟

ولا كلامي غلط؟؟؟

ريحنا وارتاح يالا

تحياتي للمدونة وصاحبها والقراء فقط
وأما الريس فله مني شيء آخر غير التحية .. أمتنع عن ذكره احتراما لطلب صاحب المدونة

تسلم بقك يا روميل أما بالنسبه لحكاية اني في يوم من الايام ولادي يكووا اصحاب مثلا ابنا او احفاد المجرمين فانا اتمني الموت ولا اري هذا اليوم,ولكن علي فكره مصر متبريه من مبارك ده استعمار مصر تعمل ايه يعني؟؟ يا صديقي
حياك الله
تحياتي الخاصه

begad enta lameet kol el 7agat elly kol masry lazem yetfash7'ar beha
slam

سيسقط بإذن الله قريبا

الواد وبوه وأمه كمان
ربك يعدلها

أرق تحياتي

Hello, romil!
This work is cery good, than kyou.

Chegavara is my ídolo, I love you, Chegavara

Have nice week

IBN BAHYA

فعلا منعنا من التزمير وهو جاب أخره معانا أزاي يمنعنا من التذمير
طبعا كلامك صح
أنشاء الله ربنا يريح الجميع
ولا ايه ؟
تحياتي

ROMIL

ibn nasser- ابن ناصر


هي دي الحقيقه فعلا حنعمل ايه ؟
أنا شايف أن الاستعمار أهون
ليه؟
علشان الاستعمار عارفين أنه أستعمار وأغتصاب أرض ومن الواجب مقاومته
بس دا حتقول عنه ايه ؟
حيقولوا خروج عن الحاكم
يلاا
تحياتي

ROMIL

دماغ ماك

ههههه فعلا كل مصري بيحب بلده لازم يتفشخر " فعل فشخر"
بالحاجات دي

تحياتي

ROMIL

إبن بهيـــــــــــــــــــــه


أن شاء الله سيسقط

أي خدمه

تحياتي

ROMIL

david santos

YOU ARE WELLCOME


ROMIL

ياراجل ..حد ينسى برضه السيد الرئيس أﻷخ معمر القذافي اللي ضرب كوووووووووووول اﻷرقام القياسية في كل حاجة..ورئيسنا يبان جنبه شباب والله..طب احنا عندنا محضرين واحد ابن ريس للسلطة..عنده هنااااك بعد الواحات الصحرا الغربية اتنبن وتلاتة وبنوتة كمان او يجوز .. حبيت
أفكرك بس

علي فكره انا اول مره ازورك بس اسلوبك عاجبني اوي اوي وياتري هتفضل مصر كده علطول محطمه الاركان تحياتي ليك وياريت تبقي تشرفني علي مدونتي

والله احنا فعلا شعب واطى وجاحد
ميملاش عينه الا التراب
مش بنقدر النعمة اللى احنا فيها
وعلشان كدة خسارة فى جتتنا النعمة دى

وأنـــــــا من منبرى هذا
أناشد السيد الرئيس
انه يمنع نعمته واسباغ فضله على هذاا الشعب العاق

احنا منستاهلكش يا ريس

أبووس ايدك ورجلك
روح شوف حد غيرنا يقدرّك ويستاهلك
حد يعرف قيمتك
ابعد عن الناس الواطية اللى هنا


ابعتوه لبلد تانى يا اخواننا يستاهله
احنا واطيــــــــين
عاوزين حد واطى مننا يعرف يتفاهم معانا ويفهم عقدنا
خدوه عند حد تانى
والنبـــــــــى تاخدوه

روميل
طيب احنا كنا ماسكين فيه من عشرين سنة فاتو كنا صغيرين ومش عارفين حد غيره كنا شايفنه صاحب الطلعة الجوية اللى معرفش مين طلعها لغاية دلوقتى غيره
كنا فاكرينه قائد واخدنا على طريق اخره مصر تعود الى كما كانت قائدة مسيرة وعلى طريق التطور هاربة من دول العالم التالت
بس عدت الايام ولاقينا مصر بترجع ورا بترجع لما بعد العالم التالت والرابع ولا كان فى طريق غير طريق نهايته مصر منهوبة وريسها عميل والتحالف كان لقتل الشعب المصرى بكل حاجة ممكنة
فعلا لازم نمسك فيه ومنسيبهوش الا لما نسلمه للعدالة تقتص منه على ظلم كل السنين دى
تاخد حق كل مصرى دمه اتهدر ظلم واتسجن واتعذب ونام وهموم الدنيا ملياه
تحياتى

تحليل منطقى جداااااااا :)

بس تفتكر هو هيفضل ماسكنا .. مش هيسيبنا بقا

فعلا احنا منستحقوووش .. والله منستحقه .. ولا اقلك خليه .. طول مهو موجود طول مبنفوق اكتر .. ايه يعنى حاكم فعمر الشعوب .. اكيد هيغور فيوم

مودتى

إخص عليكوا يا وحشين

تهون عليكوا العشرة

الراجل تاعب نفسه و هالك صحته و عمال يبقلظ يبقلظ

و انتوا مافيش عندكوا تقدير خالص

داعتزل الإسكواش عشان خاطركوا و بطل يتزحلق على الماية في شرم الشيخ

داحتى مارضاش يقعد في القاهرة و يزحمهالكم و ضحى وراح شرم الشيخ

ده غير التعديلات الدستورية اللي بنفسه بيخفض فيها من سلطاته و بيدهالكم

عايزين إيه تاني

و الله فعلا شعب ناكر للجميل

...>دعوه الي كل مصري حقيقي<
سيكون الاستفتاء علي التعديلات الدستوري يوم الاثنين الموافق 26-3-2007 والباب مفتوح من الساعه الساعه السابعه صباحا الي السابعه او السادسه مساء وسيكون الاستفتاء بالبطاقه الشخصيه اذا كان في الشخص سيذهب لدائرته اما اذا كان المواطن يريد ان يذهب للاستفتاء في مكان أخر فهذا يتطلب البطاقه الانتخابيه ..يا جماعه يالا نروح يالا خليهم يسمعوا صوتنا ..المقاطعه معني السلبيه هنروح ونقول لأ كلنا ..هتروح؟

أحمد ندا

معمر مين ؟
خلينا في الخيبه التقيله اللى عندنا

طيب معمر بيدعي أنه عنده فكر ومخلى شعبه أخر نغنغه
وتقولى ضرب الارقام القياسيه
تخياتي

ROMIL

fares

سعيد جدا بزيارتك
وتعليقك الجميل
بس بيتهألى أن مصر مش محطمه أحنا اللى محطمين

أن شاء الله أكون من زوارك دائما

ROMIL

شــهــروزة

هههههههههههه
ليه كل ده؟
بس المشكله مش في الريس المشكله فينا أحنا كمان
لو أحنا صح لازم الدنيا كلها تبقى صح
تحياتي

ROMIL

tota

أسعدني تشريفك

هو لو كنت أعرف كنت أقول
مش عارف
الحل وحمارنا غلب معانا ومع سيادته
تحياتي

ROMIL

FrEe.PhArAoH

هو ماسكنا مش تسلط بس خايف علينا من الزمن

تحياتي

ROMIL

soosa el-mafroosa

تضحية جميله فعلا
دا ناقص يضحي بينا في العيد الكبير

هي أشياء لا تشترى


تحياتي

ROMIL

ibn nasser- ابن ناصر

رأيك في محله
مع العلم أننا المسرحية مكتوبه من أولها الى اخرها

لنا الله

ROMIL

أنا بسأل نفسى سؤال و فعلا مش لاقيله إجابه.
هو مبارك وصل للسن ده و لسه مافتكرش إنه بنى آدم و مصيره إلى زوال؟
يعنى ملوش نفس يعمل حسنه واحده قبل ما يموت؟

طيب سؤال تانى، مدام إحنا منستهلش ريس بالجمال و الحلاوه دى، مش يسيبنا بقى ويروح لناس أحسن مننا؟

يعنى يطلع السماء يقعد مع الملايكه أمثاله، اهو على الأقل هما ناس منزهين عن الخطأ زيه.

عشان كده بنعاني

ايه المدونه الجميله دى على فكره انا اول مره ازورك و هزورك كتييييير بس كلمنى عن التعديلات الدستوريه يا ريت تشرفنى بزيارة مدونتى

BeLiEvEr

أهلا بك في مدونتي المتواضعه
ومتتعبش نفسك كتير في سؤالها
أحنا في بلد المتناقضات
وأن شاء الله هو طالع السماء قريبا أو قريبا
أيهما أقرب

ROMIL

Sharm

وبرضه لسه حنعاني

أهلا بيك

ROMIL

Anonymous

أهلا بيك
جايلك في السريع
بس أنت نسيت حاجه بسيطه قوي

فين لينك مدونتك يا معلم
بس يا ريت الحاجات البسيطه دي متزعلاناش من بعض
لينكات ايه بقى
خليها على الله

تحياتي

ROMIL

مدونة جميلة الصراحة
انا مدونتي تتكلم عن اجلوكو ...الربح من النترنت حقيقي مع اثبات المصداقية


http://aglocohits.blogspot.com/


شكرا

تسلم ايدك يا صديقي العزيز علي كل مواضيعك المتميزه

إرسال تعليق