الاقصى نادى والندى غالي ...ويهون عشانه العمر لو غالي
? يسقط الواد وأبوه: النظرية المباركيه

« Home | لأ يا عمده لأ » | البدايه " لعلها تكون بفايده" »

النظرية المباركيه


معاك ياريس
نظريه برضه
تعالوا نحسبها مع بعض
ماذا لو حل الريس مشكلة البطالة ؟
وما المنطق في أن تحل مشكله وتخلق مشاكل
لو قضينا على البطالة ؟
1-أدى ذلك تقليل معدلات الجريمة
مما يهدد أمن النظام المصري في الصميم أيوه في الصميم وذلك لأنه يجبر النظام على تصفية جيوش الداخلية .
2- القضاء على المشكلة في حد ذاتها مشكلة
طب الناس والرأي العام حيتكلم عن أيه طبعا مش حيلاقوا أفضل من الريس والمعتقلات وأزمات القضاة والصحفيين والكويز والتوريث وبلاوي تانيه وليلة كبيرة أحنا مش قدها .
3- أدى ذلك الى نشاة طبقة جديدة من الساخطين على الحكم
وهم القهوجية تجار الميه السخنه والنظام مش ناقص .
4- الأضرار البالغ بالمؤسسات المباركية .
طب البلاوي اللي فاتت قلنا ماشي طب والصحف الحكومية تسترزق منين إذا كانت كل القضايا شائكة من موقف مصر من حماس والعراق وعلاقتنا مع أمريكا والضغوط الدولية والتقزم السياسي لمصر دا حتى القضية الإيرانية مش عارفين موقفنا والصحف دي لوقفلت حنجيب منين موالسين للريس وأبن الريس دي تبقى كارثة .
5- طب لو قضينا على البطالة واستخدمنا الثروة البشرية ودفعنا عجلة التنمية والاقتصاد بقى اقوي لا قدرا لله
حنا خد معونات من أمريكا أزاي ولنفرض إننا استغنينا عنها مع أنها سبوبة جامدة وأصبحنا قوة اقتصادية سنتصادم مع أمريكا والعياذ بالله وسنطالب بدور أقوى في المنطقة .
يرضيكم يعني يطالبونا بإصلاحات دا معناه تغيير السيستم
أنا شايف ان البطالة فاتحه بيوت ناس اكتر من الشباب اللي قاعد على القهاوي
كتاب عايشين دور الوطنية ومحللين وبرامج مثل الغيط غيطك وحالة حمار طب يتكلموا عن ايه حبتين اصلاح وحبه بطالة مفيش مواضيع تانية نتكلم فيها
ونجيب لنفسنا لي وجع الدماغ دي دايرة كبيرة ما هي ماشية بتعرج بس ماشية
متنازل عن حقوق الملكية الفكرية للريس عرفانا للجميل

Arabforever2004@yahoo.com

الحياة لونها بمبي

وانا من هذا المزنق

اشجع و اهدد و اندد و اشجب و ادين

و الي الامام دائما

:))

Epitaph
مش حقولك أني معجب بالمدونه بتاعتك علشان قديمه
لقد تشرفت بزيارتك

ههههههههههههههههههه

هى دى السخرية المظبوطه .. طبعا البطاله فاتحة بيوت ناس .. لكن قافله بلد بحالها

اسلوبك جميل
الى الامااااااااااااام يا روميل

تحياتى

FrEe.PhArAoH
أشكرك يا صديقي العزيز
على هذا الاطراء

فعلا البطاله لها دولر ناهض و فعال في رفع مستوى الأنفتاح الانشطاري لكل الفئات الا اعبراريه من الطبقه المسطحه المستطيله من الشعب المصري
وهذا بدوره ينم عالبلاد بالخير والرخاء
اذن اديها بطاله اديها

واحد من الناس
تحليل أنبعاجي مذبهل
لمشكله من الاف الامتار من النشطارات المستعصيه
وفقك الله

اللهم انى صائم
بعد العيد نتكلم

أبو أمل
شكرا على الزيارة
ونتكلم بعد العيد علشان أنا حسيت أني بقول كلام عيب

تعيش البطالة تا
تعيش
تا
تعيش

طيب تصدق؟؟
مكنتش فاهمة بعد نظر الريس فى كبسته على انفاسنا ولا عمله الدؤووب على زيادة البطالة فى البلد

اتاارى يخويا؟؟
البطالة مشغلة ناس اكتر من الهم عالقلب
روح يا ريسنا
اللهى يعمر بيتك ويرزقك بحلة بطالة
انت واهلك نفر نفر
تعوموا فيها
علشان تحسوا بفضلها على مصر

شفت بقا يا ابنى؟؟
الشعب المصرى دة شعب مستفز وعبيط
مش عارف مصلحته فين؟؟؟

روح يا شيخ





وتعالى بسرعة

شهروزه الجميله
تحياتي
عرفتي بقى افضال الريس علينا
ولا لازم حد يفكركم
شعب ياكل وينكر
لازم تجيبوا الكلام لنفسيكم

ااااااااااااااه
علشان كده بقي فيه بطاله

شوووووف ازاي

برضه الناس اللي بيحكومونا دول مش هبل

بيلعبوها صح

كل سنة وانت طيب
زورنى وشوف
اختبار شهر رمضان
ممكن تجاوب عليه
فى تدوينة
عندك
شكراً

بفكر اسيب الشغل و اجيب صحابي و نقضيها عالقهوه

مش عيب

ما علينا

shoowbash
الشعب فاكر ان حكامه مبيفهموش
ما علينا
كل سنه وأنت طيب يا
shoowbash

أبو أمل
في الطريق اليك
كل سنه وانت طيب

مش هاقولك غير
انهم غيروها من عيد مبارك ل..يا
جمال العيد وهم برضوا بلديات سعادتك ولا مش لازم اشرد لك في وسط الخلق اللهم لا تُحكم فينا منوفي




اكتر من 30 سنة تحياتي

ما احنا لما نعمل هيئة لمكافحة حاجة ونقضي عليها هنعمل ايه في الموظفين .. مش اتعينوا خلاص.. طيب والاعتماد المالي نرجعة؟ تحت بند اية؟
مش نخلية مش يمكن ينفع

وبعدين لما كل حاجة تتحل وتمشي كويس مش هيلغوا قانون الطوارئ ويحلوا اللجان الدائمة..ونعمل ايه في الامن المركزي نروحة البلد؟ طب وكل الجرايد دي تتعطل ومتلقاش شغل .. لا دي البطاله اللي بجد
تلت البلد عنده مشاكل التلت التاني متعين علشان يحلها.. والتلت التالت .. مستني التلت التاني يطلع معاش علشان ياخد وظيفتة

بلاش قطع رزق هه

ليه ياعم خليه يحل مشكلة البطاله وانا عمل مدونة الشغيله
عادى مش حنغلب

والنعمة انت بتقول احلي كلام
وعلي فكرة اسلوبك جميل جدا

إرسال تعليق

Links to this post

إنشاء رابط