الاقصى نادى والندى غالي ...ويهون عشانه العمر لو غالي
? يسقط الواد وأبوه

٠٥ سبتمبر ٢٠٠٨

ثمانية فيديوهات تكفى لأسقاط الحكومة في أي دولة محترمة

فيديوهات يظهر فيه عساكر مرور يتقاضون رشاوى من السيارات المارة في عز الضهر



كما عودتنا وزارة الداخلية كل فترة بظهور فيديوهات جديدة تفضح فساد وممارسات وزارة العادلى كان أخرها فتاة شارع فيصل التي قامت بالبلطجة بعصا كهربائية بأسم والدها العميد وذلك طبقا الفيديو الذي نشره المدون وائل عباس على مدونته" الوعي المصري" حصل محرر المدونه
على نحو 8 فيديوهات ظهر فيها عساكر مرور يتقاضون رشاوي في عز الضهر من السيارات المارة على الطريق الواصل بين مدينتي شبين الكوم والسادات التابعتين لمحافظة المنوفية الا إن النقاط المرورية التي تم تصوير فيديوهات الرشاوي أمام قرية البريجات مركز كوم حمادة بمحافظة البحيرة ونقطة مرور البريجات هي واحدة من نقطتين " أم سعاد والبريجات " فقط على الطريق التابعتين لأدارة مرور البحيرة ويعد ذلك من حسن حظ أدارة مرور المنوفية بعد أن كان مطروح فكرة ضم قرية البريجات الى محافظة المنوفية بعد ضم مدينة السادات.
حتى لا يختلط الامر أنا محرر الدستور الذي نشر الموضوع ولا يوجد بالموضوع أي سرقات للفيديوهات من على موقع الدستور وجميع اصول الفيديوهات معى











٠٤ أغسطس ٢٠٠٨

عايز أتكلم


احساس غبي أنك تكون صحفي ومش عارف تتكلم..

مش عارف أنا عايز أتكلم عن ايه بالظبط ؟؟ولكن حتكلم وليكن مايكون كام مرة بكتب وأجهز تدوينه ولكن بتراجع

كل الدنيا دلوقتي لا تعني أي شيء بالنسبه ليا

الحكاية أني مش عايز أبقى ترس في منظومة فاشلة ولو بقيت ترس مستقيم حتكسر و كمان مش عايز أبقى ترس وأي كلام بيتقال وأهي عيشة زي موته


كنت عايز أعرف الناس دي كلها عايشه ليه ؟ محدش يقولي علشان عمارة الارض علشان اللى أنا بشوفه من نماذج وأنا منهم أخرهم عمارة لوران ونخلص

كان نفسي اعيش علشان قضية أبذل فيها الغالى والرخيص

كل اللى بشوفهم مسخ مش أكتر أشباه رجال وأدعياء رجوله

كان نفسي أبقى فلاح في أرضه يزرع وينشر النقاء ويحش رقبة أي حد يجور عليه بالفلاحي ويربي رجاله بجد لأن البلد دي مش عايزه الا رجاله " مش محتاجة شوبير نقعد نحلل كورة طول يوم ولا محتاجه حلمي بكر اللى معتقد ان الغناء قضية أمن قومي ولا مصطفى بكري ولا عمرو عبد السميع وكل الشلة الارزقية من بتوع العهر الفكري والدنيا مصالح " بجد بحسد الناس اللى عايشه كده وساعات بيصعبوا عليا وكمان ساعات بيصعب عليا ناس داخل المطحنه أمثال أبراهيم عيسى ومن على شاكلته لأنهم بيحاربوا طواحين الهواء المصيبة اللى أحنا فيها و أنا بالاخص مش عارف مين صح ومين غلط واللى صح صح لحد فين ؟؟؟؟وكمان الزمن بيبين أن فيه ناس كتير وأخداها أسترزاق ولقمة عيش حلوة واللى واخدها جعجعة وخلاص ومزايدات ما هو مولد ومين يزود ؟


بيصعب عليا أهلى اللى علموني وبعد كده يشوفوا خيبة الامل راكبة جمل .

وسر حسدي للفلاح والعامل والناس البسيطة أنهم عايشين حياتهم وليذهب النظام والوطني والمعارضه وابراهيم عيسى وهيكل والغاز والبلد كلها إن أمكن الى الجحيم ولا نمو أقتصادي ولا تضخم ولا مؤشر عام ولا أزمة سياسية ولا أزمة بدنجانية بل يوجد أبعد من ذلك من لا يعرف أحنا في أي نظام بالظبط ومين اللى ماسك البلد اليومين دول ؟ يمسكها وطني يمسكها يهود مش فارقة

مشكلتنا دلوقتي أننا في فعلا نستاهل النظام ونستاهل الرئيس لأن اللى كانوا يستاهلوا الابطال عمر الفاروق والناصر صلاح الدين كان لهم ذلك واللى كانوا يستاهلوا العجزة والمماليك والخونة بما فيهم النظام الحالى كان لهم أيضا

أيوة خونه دمنا لسه في أيديهم وبيتباهوا بيه .... متقوليش سياسة ملعونة السياسة اللى تخليكم قوادين أيوة قوادين بدون مبالغة والله القوادة أهون من اللى مصر فيه

ضربنا أخواتنا في العراق علشان نسقط الديون اللى علينا وكل سنة تتعهد مصر بتجهيز الليالى الحمراء للأستفراد بفلسطين والقدس وبأخوتنا غازنا وبترولنا مشغل ترسانتهم ومنور بيوتهم أي شرف أولاد القحبة أجيال العهر والدعارة والقوادة

هي دي الحقيقة

٢٩ أبريل ٢٠٠٨

صحفي في بيت دعارة ....... تحيا مصر

صحفي قي بيت دعارة ....... تحيا مصر

سمعت كتير عن بيوت الدعارة والأفلام كل مرة بتصورها بشكل نمطي في الغالب تكون عبارة عن مجموعة من الساقطات اللي باين منهم أكتر من اللي متغطي وعلى الزبون أن يختار واحده منهن التي تدخل مزاجه لتلحق به إلى أحد الغرف ودمتم والتي لم أتصور يوما من الايام أن أدخل مثل تلك الاماكن .

المهم ورطني حظي الجيد على أية حال في أن أذهب إلى أحد بيوت الدعارة مع أحد زملاء المهنة أكيد الكلام دا غريب بس هو دا اللي حصل أولا دا مكانش بيت دعارة بالمفهوم الدارج بمعنى أنه كان عبارة عن قواد وموبايل وشقة وضيعه تحت بير السلم وبدلا من أن تختار سيادتك المزة تدخل المواصفات اللي أنت عايزها وهو يبرمج الكلام دا كله ويختار أحد الساقطات المسجلات عنده على الموبايل وفي أقل من 10 دقائق تكون عند سيادتك

المشوار كان في البداية شغل في مكان ما في فضاء مصر وبعد انتهائه مال على زميلي وبكل خبث قال " ماتيجي نروق الدماغ شوية وكمان بكرة أجازة .

المهم في البداية تعاملت مع جملته بمنتهى العفوية أنه يقصد مثلا أننا نجلس على أحد الكافيهات ونضرب حجريين شيشة مثلا أو نذهب الى أحد الأماكن العامة نديها فسح ومعاكسات وممكن ترزق .

ضربت كل تلك الهواجس في دماغي ثم قلت له " يبقى أيه الموقف لو أتمسك أتنين صحفيين زي الورد شغالين في جورنال محترم وهما بيعا كسوا بنات أو الجرايد القومية شمت خبر أننا بنشيش على أحد الكافيهات ولن نلاحق وقتها على حملات التشويه أصلي من "القلة المندسة "التي تطلق على نفسها مجازا "المعارضة " ونلاقى عمرو خالد في الموضوع لإنهاء الأزمة بدعوى مكافحة الإدمان وعفا الله عما سلف.

رد زميلي على كلامي الغريب الذي يحتمل السخرية والغباء على حد سواء وقال " لأ ياعم الحج الليلة مش كده خالص فيه واحد معرفه هنا حنقابله ونشرب معاه الشاي "والذي منه" وبعدها كل واحد يتدحرج إلى طريق العودة الى أرض الوطن .

وافقته تحت ضغط التعب والحاجة إلى مكان نأوي إليه بدلا من نظام صحافة الشوارع دي ودخلنا عند المدعو البواب " أبو السلكان " من "التسليك "كما أطلق عليه زميلي " الله يحرقه " وعامل إيه يا أبو السلكان واحشني يا أبو السكان " المصيبة أن أبو السلكان دا كان بواب صعيدي ولكن ليس بالصورة المنطبعة في أذهاننا القريبة الى صورة العملاق أحمد ذكي في فيلمه البيه البواب المدعو أبو السلكان كان نحيفا جدا ويرتدي بنطلون وفانلة أقرب الى الداخلية وشبشب حمام ويحمل تليفون نوكيا الملقب بالدمعة ويدخن السجائر بشراهة

المهم دخلنا أنا وزميلي مع أبو السلكان وكان بالداخل أبو سلكان أخر شقيق أبو السلكان ومعه صديقه الذي وضح فيما بعد أنه زبون ليس إلا .

تجاذب زميلي أطراف الحديث مع أبو السلكان الأساسي عن أخبار الدماغ وأية ياعم الراجل أول مرة يزورك " يقصد العبد لله " مفيش أي وأجب ولا إيه وأنا في انتظار الواجب شاي أو شيشة أو في أقل تقدير كوباية مياه قام أبو السلكان بعمل اتصال تليفوني بالمدعوة حنان هكذا كان أسمها وفعلا مفيش 10 دقائق والست" حنان "وصلت وكانت جامدة بجد وبقينا 6 أنا وزميلي وأتنين ماركة " أبو السلكان " والست حنان والزبون كده بقى أبتديت أفهم إيه اللي بيحصل وكمان فهمت أنه مش واجب للضيوف ولكن بمقابل يعني خمسين جنيه على الطربيزه وكمان فهمت أن اللي بيدخل الأول بيعمل أعلى دماغ المهم الرجالة أبتدت تعزم على بعض وكل أصابع الاتهام أتوجهت" للعبد لله "مصرين أن أنا اللي حدخل الأول وأنا دماغي جزمة " للأسف " و مصر أن أنا ماليش في الليلة ومش دايس معاهم في الحوار وأثناء الحوار خرجت الست حنان من الغرفة وعيناها تحكي الكثير ونظراتها تحمل تأويلات أكثر وهي أما أننا رجاله ورق ولا مؤاخذه أو أنها مدخلتش دماغنا أو أننا لا نملك مقابل شقاءها لإسعاد المحرومين أو أننا بوليس آداب في زي صحفيين ومنتظرين هجوم القوة لتنقلب الليلة .

المهم أمام إصراري وإصرار زميلي الذي أوضح ل" أبو السلكان" في حوار جانبي أنه هنا لزوجة المستشار التي عشمه هو بها وليس من أجل هذه الساقطة وأخيرا دخل الزبون الأخير وأتضح أنه ل يوجد ا تقارب في وجهات النظر بين الطرفين فدخل أبو السلكان الثاني ليتقمص دور مصر للتقريب بين وجهات النظر الإسرائيلية الفلسطينية وبالفعل تم حل المشكلة ولكن لم تتحرر القدس .

أشياء غريبه فكرت فيها أثناء هذه الفترة التي قضيتها في هذا المكان الوضيع تبدأ معظمها ب" ليه ؟؟؟" وستضحكون عندما أقول أنني عكست الآية وقررت أنني لن أعطي الفرصة لهذه الساقطة "الجامدة " لأن تنال مني والحمد لله لم تلمس شعرة من شعر صدري وخرجت شريف كما دخلت .

صعبت عليا نفسي " ليس بسبب عدم الدخول " ولكن أحسست بإهانة في وجودي بهذا المكان في تلك اللحظة وهممت أنا وزميلي بالخروج الذي أكد على "أبو السلكان" أنه يريد زوجة المستشار التي وعده بها وخرجنا وقلت له " أيه العالم ده ولا أقولك أنت عرفت الراجل دا أزاي ؟؟؟؟ جاء الرد حاسما بأنه عرفه عن طريق طريق أحد ظباط الشرطة وهو الأخر ببجي عند "أبو السلكان " وأخيرا قلت له قبل أن يشت دماغي " تحيا مصر "

٠٦ مارس ٢٠٠٨

عليا الحرنكش مش بتاعي الكلام ده


عليا الحرنكش يا ريس مبارك
في عصر مزركش ملون بنارك
لابايعك وأبايع حكومة حمارك
ملعون أبو اللي يقاطع قرارك
نهاره مقندل وليله مبارك
فهمبك وهجص وطلع في ديننا
أكيد هو طالع يشاهد جمالك
جمالك مبارك سوزانك سوزاننا
يامحلا حصارك لمصر اللي جالنا
نسيمها في عصرك بيشوي في بدنا
أؤيد وأبايع فخامة جلالتك
وأيد أي واحد بيمسح ريالتك
ولأنك سر باتع هاننسى هبالتك
فأقعد ياريس ودلل حمامتك
حمامة السلام حمامتك
سلامة الحمامة وسلامتك يا ريس
ياريس حمامة ياريس كويس
على تل مصر ياريتك تهيص
خرابة فسيحة عليها تمتيس

٠٢ مايو ٢٠٠٧

حكايتي مع كرسي الرئاسه 3






حكايتي مع كرسي الرئاسه 3

شهدت البلاد أضطرابات في الرأي العام مابين مؤيد بشدة ومعارض متحفظ على القائمة التي أمرت بأعدامها في ميدان عام قبل قيامي بحلف اليمين الدستوريه لرئاسة الجمهورية
وكان المؤيدون يرون أن هذه القائمة بل وأكثر هم رؤوس الفاساد في مصر في عهد النظام السابق وأما على الجانب الاخر وهو المعارض لقراري هذا فيرون أنه أجراء تعسفي ليس الا وهو بمثابة العين الحمراء للنظام القائم وأنا من هذا المنطلق أحب أحييهم على بعد نظرهم ولهم مني كل الرعاية والاهتمام أكيد فاهمين طبعا.
تم حلف اليمين الدستوريه في مشهد أسطوري وتم تنصيبي أخيرا رئيسا لجمهورية مصر العربيه الاسلاميه
وحان وقت الجلوس على الكرسي
" أخيرا بقيت رئيس لمصر" وبعد كلمات الافتقاد والوحشه بيني وبين هذا الكرسي اللعين جاء مدير مكتبي ليخبرني بأول أجتماع وزاري " يعني جد من أولها" ماشي يارجاله
في الاجتماع
أسمحولي بدون مقدمات وكلام فاضي عايز أعرف الوضع الحالى الكامل عن مصر بكل شفافيه " بلاش شفافيه "
بدون تهويل أو تهوين أوك يا مينز
أوك يا ريس
أحدهم : بعد شهور مضنية من البحث والدراسة للأوضاع المترديه لحالة مصر والتي كانت نتيجه مباشرة للمارسات غير المحسوبه للسيستم السابق " النظام السابق" خرجنا بالخطوط العامه لحالة مصر :
1_ انهيار الدور الاقليمي لمصر وانحسار النفوذ السياسي في العالم وفي المنطقة العربية بالاخص مع قيام بعض الدول الاخرى بالاستيلاء على هذا النفوذ مثل قطر – الاردن –ايران- سوريا.
مخاطبا نفسي " دا أحنا كده ولا خيال المأته" أتقمص شخصية السادات . كمل يا أبني
2_ حاله كبرى من الانحلال الاخلاقي والاجتماعي نتيجة سطوة النظام السابق وفساد كوادرة وعدم أحترام القانون وأحكام القضاء أدت الى اليأس من وجود العدل ومن يحميه ويضمن تنفيذه.
ياساتر يارب الله يخرب بيوتكم يا بعدا عملتوا ايه في البلد؟
أعدم كل اللى أشترك في المصيبة دي
أعدمناهم ياريس قبل كده
أعدموهم تاني علشان يعرفوا غلطتهم
تمام يا ريس
كمل يا أبني
3_حالة من العجز شبه الكامل للمؤسسات الحكوميه تتخللها البيروقراطية القاتله.
عجز يعني نديهم فياجرا؟
في محاولة مني للتخفيف من جو الاجتماع المشحون
أنت متأكد من المعلومات دي؟
أحدهم "هو هو" على رقبتي يا ريس.
ياخوفي يا بدران
كمل ولا أقولك بلاش أقولكم أنا بقى على اللى فيها

مصر تعاني من ترهل عام في كل قطاعتها يعاني شعبها فقدان الثقه في الدوله والنظام وأنشأ دون أن يدري جدار عازل بينه وبين حكامه فيما يسمى بفوبيا السلطه وتعاني مصر بأكملها أيضا من أنفصام في الشخصية مابين نعرات العظمة وعزة التاريخ وبين معطيات الوضع الحالي .
وهنا أدركت أن المهمة غاية في الصعوبه ان لم تكن مستحيله والمطلوب مني اصلاح هذه الاوضاع وأن يتغير الحال 360 درجة أن لم يكن أكثر من ذلك .
مر شهرين على هذا الحال ولا يوجد جديد , وقتها أحسست أنني أصغر من هذا الكرسي لا أنكر وجود بعض التغيرات النسبية في أحوال مصر وذلك لأستبعاد رؤوس الفساد من مناصبهم ولكن هذه التغيرات تعد طفيفه بالبنسة للأمال المرجوة مني كرئيس لجمهورية .
وجدتهاااااااااا
فكرت بعمل أنقلاب " مش على نفسي " قررت أصدار قرارات لها طابع الصدمة والتي لا يجدي معها نظام التدريج ويارب تعمل نتيجه فقررت التالي:
1_ ألغاء قانون الطوارىء وأي قوانين أستثنائية واعادة هيكلة النظام الاداري للدوله وأعتماد نظم الترشيح والانتخاب الحر في كل المناصب القيادية مع أبقاء صلاحيات الرئيس كما هي وأكثر .
2_ أطلاق الحريات واصدار القوانين الؤيدة لذلك المسار لدعم حرية الرأي والتعبير ورفع يد الدوله عن الصحف .
3_ أعادة هيكلة موارد ومصارف الدوله على أن يتم بشكل عاجل سحب مايقدر ب 8 مليار جنيه التي كان يعتمدها النظام السابق كمصروفات سرية في وزارة الداخلية وأعادة ضخها في تطوير التعليم المصري .
4_ اعلان قناة السويس قناة مدنية ولا يسمح لأي قطع بحرية في المرور عبر القناة وخصوصا أذا كانت للمساعدة في الاعتداء على أي دولة شقيقة .
5_ ألغاء أتفاقية كامب ديفيد واللى مش عاجبة يخبط دماغة في أي حيطه من حوائط الامم المتحدة أو مجلس الامن
6_ أغلاق معاهد وكليات الشرطة لمدة لا تقل عن ثلاث سنوات وذلك في محاولة مباشرة للتقليل من سطوة الامن والعودة الى الدولة المدنية
كفاية كدة علشان أنا حاسس أن البلد حتغرق بالقرارات اللى فاتت دي ويا خوفي يا بدران
بعد صدور هذه القرارت الجامدة التي لا تصدر الا من قائد جامد زي حضرتي
أنتظر بفروغ الصبر تنفيذ هذه الاوامر ومتابعة النتائج
يارب ...يارب .... يارب
تم قطع الوصلة بفعلة فاعل
هاتولى الكلب ده
ROMIL