الاقصى نادى والندى غالي ...ويهون عشانه العمر لو غالي
? يسقط الواد وأبوه: حكايتي مع كرسي الرئاسة

« Home | يارب » | مشروع قانون » | كل عام وأنتم بألف خير » | النظرية المباركيه » | لأ يا عمده لأ » | البدايه " لعلها تكون بفايده" »

حكايتي مع كرسي الرئاسة






ماذا لو كنت الرئيس؟ سؤال وجهته لنفسي كتير هل لو أنا مكان مبارك كان الوضع تبدل من النقيض الى النقيض ... ممكن؟ مين عارف ....كتير قالوا ليا اللى ع البر شاطر وليس في الامكان أفضل مما كان

قولت طيب أحاول .... قالولي السياسة لعبه قذرة ..... طيب حتى لو في الحلم .. أتفضل يا فالح وياترى تختار تبقي ديكتاتور ولا ديموقراطي " السادات يصيح في أذني " الديموقراطيه لها أنياب ماشي يا عم السادات

لسه مش عارف أختار طيب أنت مع القومية ولا مع العلمانيه أنظر الى عيون أخواتي الشحاتين تصعب عليا القوميه وفي الاتجاه المقابل أنظر الى العلمانيه وفلوسها أحن ليها بس الغلطه بفورة ..... ممكن تحكموا عليا من أفعالي كلهم بيقولوا كده في الاول .... طيب جربوني .... ويا ترى حنجربك كام سنه 10 ولا عشرين ولا 26 زي صاحبنا ..... ياه حتى الحلم مش عارفين تحلموه .....أحلم يا عم الامور .... أشطه

البدايه برنامج أنتخابي جامد يخلي الشعب يحبني وكام موقف من بتوع الزعماء دول على كام مظاهرة شعبيه .. خلص انت حتكيلنا قصة حياتك ؟........ معلش يا جماعه عايز ابين أزاي الشعب حبني وازاي وصلت للسلطه مش غصم واقتدار زي أي فتره قبلي ... أنت صدقت نفسك ولا ايه؟ " أنزل .....أنزل ...... أنزل " وأنا عامل نفسي مش سامع ... بعد دا كله أدخل الانتخابات أمام محمد جمال مبارك ويحصل الحاجات العادية دي اللى بتحصل في الانتخابات تزوير يعني وانا سا عتها مفيش قدامي غير كلمة لا " صوت كف على قفايا " أنت مش عارف أن كلمة لأ دي أتلغت من زمان ياروح أمك ... والله ما أعرف يا باشا .... أديك عرفت يا معلم ... بينما أنا سرحان في سجن العقرب أتطلع الى ما أقترفته يداي ... ايه اللى أنا جبته لنفسي ده معتقل علشان مين ... شعب نايم في العسل ... شعب مسكين مستكين ... لازم أعمل فيها زعيم أشرب يا عم الزعيم .... مفيش حد حيعبر أهلك ..... فاذا بضوضاء كبيرة مصدرها باب المعتقل ... فيه ايه يا أخواننا ... أنت اللى بتسأل يابن " ؟؟؟؟" فيه انقلاب في البلد ...ايه ؟ طيب أنقلاب ليه ؟ وعلشان مين ؟ طيب دي الدنيا وردي وكله تمام التمام " قلتها من الخوف" حتى لا يعاودوا تعذيبي لأنتقادي لأحوال البلد " .... يا خبر منيل الشعب عمل انقلاب شعبي وأسقط المحروس أبن المحروس ...... أنقلاب شعبي أزاي أنا أسمع عن انقلاب عسكري انما شعبي جديده .... هو ده اللى حصل ..... طيب من اللى قاد الانقلاب ..... أنت يا زعيم ... أضع يداي على قفايا وأصيح بصوت هادىء والله ما عملت حاجه أنا برىء .... برىء ازاي يا زعيم ؟ ..... زعيم بعد يا روح أمك أيه التغيير المفاجىء ده ؟ .... العفو يا زعيمنا .... زعيمنا " في بالي " أه علشان مفيش كبير ليكم دلوقتي يا كلاب ..... أجري يا كلب منك له نضفلي زنزانه 44 " كان أفضل أمنياتي أثناء وجودي في المعتقل لأن هذه الزنزانه لا يدخلها الا المحظوظين " ....... زنزانة ايه يا باشا الجماهير منتظراك بره .. اه جماهير " أعمل ايه دلوقتي في أم اليوم ده أنا نسيت أم السياسة في أم المعتقل ده " .... " عاش الزعيم ..... لا زعيم الا الزعيم .... أخترناه أخترناه " هتافات تتعالى من الخارج ..... لسة مش مصدق نفسي .... طيب يا حضرة الشاويش أنا كان عليا الغسيل النهارده .... غسيل ايه يا زعيم ؟ أحنا نغسله بقلوبنا ....." بقلوبنا يا روح أمكم " ...... أنفخ في نفسي وأستعد لأعتلاء قمة المنصه اللى هي أعلى قلاع السجن ...وأذا الهتافات الشديده ... أشطه عليك يازعيم ...... متنسناش يا زعمه " أسم الدلع لزعيم" وفجاءة ..... أخرج الحذاء لسانه متحديا الزعيم ... انتفخت مره ثانيه حتى أمر الحراس باعتقاله حتى تذكرت أنه مجرد حذاء .. وقولت في نفسي فيها ايه يا زعمه لو نزلت وهديت هذا الحذاء ومن تواضع لله رفعه ..تمام ..... في نفس توقيت النزول فاذا بأصوات الرشاشات تصدر من كل اتجاه وأعتقد الجميع أن لدي حس عسكري وقاموا بالهتاف ...... بينما أخذني بعض حرس الانقلاب الى مكان مجهول ... فيه ايه يا رجاله ... أنقلاب على الانقلاب يا زعيم ... هو احنا لحقنا ..... دول قله مندسه يا زعيم وتم القبض عليهم وجاري البحث عن شركائهم .... والى أن يتم القبض على كامل التشكيل سيتم التحفظ عليك في مكان أمن .... قله مندسه ومختل كلمتين مش عايز أسمع عنهم في فترة حكمي .... حاضر يا زعيم وتم نقلي الى المكان الامن ولكن لم يكن فيه نت لكي أكمل الموضوع الى أن تحدث تطورات أستودعكم الله الى أن نلتقي في الجزء الثاني

Arabforever2004@yahoo.com

مبروك يا زعيم
انت امل الأمه
والقائد الملهم الحكيم
رجل كل العصور
رمز الثوره والنضال
ورجل الحرب والسلام

كلنا معاك

عاش الزعيم القائد...عاش عاش عاش

ايه رأيك فيه
هتمسكني وزارة ايه بقااا؟؟



عاش الملك ..عاش عاش
مات الملك..مات مات

معلش يا زعيم اعذرني على صراحتي ...
بس الحقيقة أظن إن فخامتك مفيهوش الصفات اللي يجب أن تتوفر في حكام أمتنا
فللأسف الشديد أظن إن والدك ووالدتك كانا صالحين
وأظن أيضاً أنك تعلم يقيناً أنك لست نبي ولا إله وهذا يخالف تصور الحكام عن أنفسهم ..
ثم هل أنت متأكد من أنك تحمل القدر الكافي من الغباء الذي يؤهلك لهذا المنصب ..
ولابد لكي نتأكد من حقك في الزعامة أن تقدم لنا الأثباتات الكافية أنك لم تقم يوماً بمساعدة ضعيف وأنك لم تحفظ أبدأ أمانة وأنك لم تحترم أبدأ حقوق الآخرين
ولابد أن ترفق في سيرتك الذاتية .. كم مرة خلال الأسبوع الماضي
1- قتلت بريء
2- عذبت مسالم
3- سرقت فقير
بعد استيفاءك جميع الأوراق المطلوبة يمكنك انتظار دورك الذي سيتأخر حتماً نظراً لكثرة المتقدمين

اولاا كل سنة وانت طيب


شوف اختار حاجة جديدة وفكر جديد للحكم

غير الموجود هات جديد تكسب

ماتقلقش فترة الاختبار هنا 47 سنة او الاغتيال أيهما اقرب .. كان في احتمال تالت بالتنحي بس دي عِشرة وميصحش.. عاوزينك تقتدي بالنظام التعليمي تجرب التجربة اوعي يهمك لما كل الناس تقولك فاشلة لا يعلم الغيب الا اللة جرّب وبعدين تقيّم نتائج التجربة قد سبع تمن سنين كده وبعدين قرر التحول للنظام النقيض
ماتتعبش نفسك انا هاظبطهالك.. من ألفين وسبعة الي الفين واتناشر ديموقراطية شعبيية ومن اتناشر لاربعتاشر دولة دينية ومن اربعتاشر لتمنتاشر علمانية ومن تمنتاشر لعشرين إشتراكية احياء لذكري المرحوم المتنحي بعدها ست اشهر رأسمالية تكون فترتك الانتخابية خلصت .. بسيطة تقلب الورقة وتعمل اللي عملناة في الاول بس بالعكس وماتقلقش خالص دي اسهل من قيادة الزمالك

كل سنة وانت طيب
ومنتظرين الجزء التانى فى توليك الحكم

بس بلاش زعيم دي
عشان مفيش زعماء غيري رجاءا يعني

واهم شئ تلغي يوم عيد الاضحي دا
عشان الوقتي الزعماء كلهم بينعدموا فية

كل سنه وانت طيب..وعام سعيد ان شاء الله

واحد من الناس
كل سنه وانت طيب
شكرا يا عم على الكلام الجامد ده
اللى طبعا كل الناس عارفاه

وماتزعلشي يا عم حعملك وزارة لوحدك نسميها وزارة الدعايه

ROMIL

ما علينا
كل سنه وانت طيب |طيبه

كل الصفات دي مقدور عليها المشكله الكبيرة اني مبعرفشي اوطي راسي والكلاب تضربني على قفايا

ROMIL

tamer

كل سنه وانت طيب
بلاش حكاية فكر جديد دي علشان مزعلش منك
كفايه تني انا جديد في الحكم

ROMIL

saso

ايه يا ستي ده
ماتيجي تحكمي انتي
وايه كوكتيلات الدول اللى انتي عاملاها دي
كده زادت حيرتي

كل سنه وانتي طيبة

ROMIL

الزعيمة

كل سنه وانتي طيبه

ومتزعليش يازعيمه ممكن ابقى القائد
بس صعبه شويه خليها زعيم هو الكلام بفلوس

ROMIL

المهــــاجر المصـــــــرى

كل سنه بألف خير

انا سعيد بتشريفك لمدونتي المتواضعه

ROMIL

شكرا عالوزاره بس الوزاره دي ههبش منها كام في الشهر
اشمعنا باقي الوزرا بيهبشوا

واحد من الناس

مساء الفل
أرضى بقليلك علشان أحبك المرة دي وزارة الدعايه المرة الجايه داخليه او ماليه
او ممكن أخليك تأخد البلد لفه

ROMIL

انا قرأت جزء من الموضوع بس بقول

لك السياسة زى ما انت كاتب لعبة ولكن مش اى لعبة هى لعبة الى يكملها

يتدمر وبحذرك
لا تلعب مع السياسة


وخصوصاً..مع حسنى مبارك

إرسال تعليق

Links to this post

إنشاء رابط