مشروع قانون
مجرد أقتراح
من الغريب فعلا انتشار ظاهرة الرشوة بصورة غريبة واعتبارها شيء عادي فعندما يهمس الموظف بطريقه رومانسية في أذن سعادتك " كلك نظر" "و تشيلني وأشيلك" وكلام كثير من هذا النوع وعندما يقول المعتدلون أنها رشوة يردد الراشي والمرتشي على حد سواء أنا تسليك مصالح لا أكثر ولا أقل والغريب أيضا أصبح وجود موظف شريف غير مرتشي خروجا عن القاعدة .
فأنا من هذا المنطلق أطالب الحكومة
" سيعتقد الكثيرين أني أطالب بتوقيع أقصى العقوبة وهي الإعدام شنقا لكل مرتشي "
لا يا رجالة فاتت عليكم المرة دي
وهذا ملخص لما أريد تفعيلة :
_ أطالب الحكومة بتقنين الرشاوى وكفالة الغطاء القانوني لها على أساس أنها أصبحت ظاهرة عاديه والحاجة أم الاختراع .
_ يتم تقسيم الرشوة حسب المنصب من أول ساعي المكتب إلى الناس الكبار قوي
وفي المقابل تصنف المصالح المراد تسليكها الي فئات فمن غير المنطقي أن نساوي بين شهادة صحية مضروبة وبين شهادة صحية لعبارة مضروبة برضة .
_ ويتم تشطيب قانون للعقوبات " طبخ كلة قديمة قوي غيروا " مزدوج حيث يعاقب المواطن الذي يرفض تقديم رشوة بأرغامة على دفع الرشوة دوبل وتعطيل مصالحة لمدة لا تقل عن 30 يوم ولا تزيد عن 5 سنوات " ويتعلم عليه" اذا اراد قضاء مصالح أخرى .
أما الموظف الذي يرفض أخذ الرشوة فيتم وصمة بأنه مواطن شريف مع كوكتيل عقوبات خصم وتأخير الترقيه ويتم نقله الى أماكن وبؤر الرشاوي في البلد عقابا له على ما أقترفته يديه .
_ ملحوظة :ةيجب احتفاظ الرشوة بأسمها حتى لا تفقد مبادئها ومعانيها السامية وحتى لا يقوم الموظفين بأختراع أشكال أخرى من الرشاوي.
_ يتم أنشاء المجلس الاعلى للرشاوي تمهيدا لان تصبح وزارة مستقلة ويترأس هذا هذا المجلس أكبر أشاوسة الرشاوي في مصر.
_ وعنه يتم انشاء صندوق للرشاوي على غرار صندوق الزمالة و يكون الصندوق زجاجي ليضرب به المثل في الشفافيه المفتقده كثيرا في مصر .
_ يتم تقسيم محتويات الصندوق بين الحكومة والممولين " الموظفين" كما ذكرت حسب المنصب ويقدم الصندوق اعانات عاجلة للموظفين المتهمين بالاختلاس وتبديد العهدة والتجارة في العملة وغيرها من القضايا التي تخل بالشرف فقط .
_ يتم أستشارة فضيلة المفتي في مدى مشروعية تقديم تأشيرات الحج والعمرة من هذا الصندوق " أتوقع الموافقة " بمنطق : من والى الشعب ، والخروج عن الحاكم جريمة ومن قدم شيىء بيداه التقاه وانا لله وانا اليه لراجعون .
_ يقيم الصندوق حفل يومي يضم كل من أسود الرشوة وزوجاتهم والاشبال ويقدم جوائز في المجالات التاليه :
- جائزة احسن مرتشي محترف
- جائزة احسن ناشىء مرتشي
- جائزة أحسن طريقه للرشوة
- وجوائز عن مجمل الاعمال
- وجوائز تشجيعية أخرى
_ أخيرا يتم تلخيص هذه القوانين والتوصيات فيما لا يقل عن 350 صفحة حتي لا يتسنى لاحد قراءته ويعرض على مجلس الشعب موافقون موافقة وخلص الموضوع " وهي جت على دي مافيه القوانين سيئة السمعة وقانون القضاة وقوانين منع النشر خالص" وكده يبقى الموضوع اتحل
Arabforever2004@yahoo.com
من الغريب فعلا انتشار ظاهرة الرشوة بصورة غريبة واعتبارها شيء عادي فعندما يهمس الموظف بطريقه رومانسية في أذن سعادتك " كلك نظر" "و تشيلني وأشيلك" وكلام كثير من هذا النوع وعندما يقول المعتدلون أنها رشوة يردد الراشي والمرتشي على حد سواء أنا تسليك مصالح لا أكثر ولا أقل والغريب أيضا أصبح وجود موظف شريف غير مرتشي خروجا عن القاعدة .
فأنا من هذا المنطلق أطالب الحكومة
" سيعتقد الكثيرين أني أطالب بتوقيع أقصى العقوبة وهي الإعدام شنقا لكل مرتشي "
لا يا رجالة فاتت عليكم المرة دي
وهذا ملخص لما أريد تفعيلة :
_ أطالب الحكومة بتقنين الرشاوى وكفالة الغطاء القانوني لها على أساس أنها أصبحت ظاهرة عاديه والحاجة أم الاختراع .
_ يتم تقسيم الرشوة حسب المنصب من أول ساعي المكتب إلى الناس الكبار قوي
وفي المقابل تصنف المصالح المراد تسليكها الي فئات فمن غير المنطقي أن نساوي بين شهادة صحية مضروبة وبين شهادة صحية لعبارة مضروبة برضة .
_ ويتم تشطيب قانون للعقوبات " طبخ كلة قديمة قوي غيروا " مزدوج حيث يعاقب المواطن الذي يرفض تقديم رشوة بأرغامة على دفع الرشوة دوبل وتعطيل مصالحة لمدة لا تقل عن 30 يوم ولا تزيد عن 5 سنوات " ويتعلم عليه" اذا اراد قضاء مصالح أخرى .
أما الموظف الذي يرفض أخذ الرشوة فيتم وصمة بأنه مواطن شريف مع كوكتيل عقوبات خصم وتأخير الترقيه ويتم نقله الى أماكن وبؤر الرشاوي في البلد عقابا له على ما أقترفته يديه .
_ ملحوظة :ةيجب احتفاظ الرشوة بأسمها حتى لا تفقد مبادئها ومعانيها السامية وحتى لا يقوم الموظفين بأختراع أشكال أخرى من الرشاوي.
_ يتم أنشاء المجلس الاعلى للرشاوي تمهيدا لان تصبح وزارة مستقلة ويترأس هذا هذا المجلس أكبر أشاوسة الرشاوي في مصر.
_ وعنه يتم انشاء صندوق للرشاوي على غرار صندوق الزمالة و يكون الصندوق زجاجي ليضرب به المثل في الشفافيه المفتقده كثيرا في مصر .
_ يتم تقسيم محتويات الصندوق بين الحكومة والممولين " الموظفين" كما ذكرت حسب المنصب ويقدم الصندوق اعانات عاجلة للموظفين المتهمين بالاختلاس وتبديد العهدة والتجارة في العملة وغيرها من القضايا التي تخل بالشرف فقط .
_ يتم أستشارة فضيلة المفتي في مدى مشروعية تقديم تأشيرات الحج والعمرة من هذا الصندوق " أتوقع الموافقة " بمنطق : من والى الشعب ، والخروج عن الحاكم جريمة ومن قدم شيىء بيداه التقاه وانا لله وانا اليه لراجعون .
_ يقيم الصندوق حفل يومي يضم كل من أسود الرشوة وزوجاتهم والاشبال ويقدم جوائز في المجالات التاليه :
- جائزة احسن مرتشي محترف
- جائزة احسن ناشىء مرتشي
- جائزة أحسن طريقه للرشوة
- وجوائز عن مجمل الاعمال
- وجوائز تشجيعية أخرى
_ أخيرا يتم تلخيص هذه القوانين والتوصيات فيما لا يقل عن 350 صفحة حتي لا يتسنى لاحد قراءته ويعرض على مجلس الشعب موافقون موافقة وخلص الموضوع " وهي جت على دي مافيه القوانين سيئة السمعة وقانون القضاة وقوانين منع النشر خالص" وكده يبقى الموضوع اتحل
Arabforever2004@yahoo.com
ربنا يديك الصحة
وتشوف احلامك بتحقق ادامك كده
وابقي ادعيلي
هههههههه
بس اوعي ساعتها بقي تنسانا ... وتطلع فيها
Posted by
admelmasry |
١٠:٢٢ م
ادم المصري
نورت المدونه
Posted by
ROMIL |
١:٥٣ ص
انت عارف يا عم روميل ان انا معييش بطاقه مصريه لحد الان بسب موضوع الرشوه وعدم فهم نظام الرشاوى بيشتغل ازاى
Posted by
الأغاني للرأفتاني |
٤:٠٥ م
2 R
ربنا معاك ومعانا كلنا
ههههههه أنا عرفت يعني ايه كوسه وأنا في الابتدائي لما ابن المدرسه خد الجايزه بدالي
دي برضه تعتبر رشوه على قفايا
Posted by
ROMIL |
١٢:١٦ ص
يا ليلة زرقا؟؟
على كدة مش حاعرف اطلع مستخرج من اى حاجة الا لما ابيع اللى ورايا واللى ادامى
ليلتك مالهاش الوان لو اتحقق حلمك دة
-------
مرو واحدة دفعت فيها رشوة
عشان اقبض اول مرتب ليا
وبعدها
طلعتها من عينه
اخدتها منه ضعفين عشان مابلغش عنه
دفعللى هو رشوة
ههههههههههههههه
Posted by
غير معرف |
١١:١١ م
شهروزةالجميله
المقصد من هذا الاقتراح
أن الممنوع مرغوب فنمع النزاهه فتصبح مطلوبه
نورتي المدونه
Posted by
ROMIL |
١٢:٤٩ ص
هههههههههههههههههههههههههههههههه
عجبني و فكرني بطريقة أحمد رجب و بالذات اللي عجبتني الجوايز
Posted by
ALiaa |
٦:٠١ م
ALiaa
شكرا على الزيارة
ده شرف ليا لما أتشبه بكاتب كبير زي الأستاذ أحمد رجب
Posted by
ROMIL |
٨:١٤ م
الكلام الي انت قلته زي الفل
بس فيه مشكله كبيره
لو نزل قانون للرشوه هتلاقي واحد عايز يهرب من القانون ده فيدفع رشوه لواحد مرتشي علشان يهرب من قانون الرشوه
بس ساعتها مش هتكون اسمها رشوه
ممكن يسموها اسم تاني
لأن رشوة الهروب من الرشوه ماهياش رشوه
امال اسمها ايه ؟؟؟
ولو عرفت الحل اتصل بزيرو تسعميه
تكسب اي حاجه من الي بتيجي في التلفزيون
Posted by
غير معرف |
١٢:١٧ ص
انا موافقك بس بلاش كلمة رشوة دي لان الرشوة حرام ممكن ندلعها نقول اكرامية او مهلبية زي نافوخك منك لله عاوز تعمم الشر انت ولد مفسد وانا هاخطف رجلي لعم المفتى واستصدر فتوى واحل دمك لو ما كنتش اتبرعت بيه كله يا سيد العاقلين وعاوز تبقى صحفي ابقى تعالي ... على قبري هههههههههههههه عسل يا واد يا فقر
Posted by
Adel |
٣:٤٢ م
واحد من الناس
هيه ناقصه لخبطه
هو فيه حد حيدفع رشوة علشان يهرب من رشوة
وعموما لازم نعوم الرشوة زي ما عوموا الجنيه الله يخرب بيوتهم
ونسيب الرسوة تتحدد على حسب معطيات السوق ولازم يبقى فيه منافسه شريفه طبعا
العملية مدروسه بدقه متقلقش
نورتنا يا واحد مننا
Posted by
ROMIL |
٥:٤٣ م
المزاجنجي
عم الكل ايه الغيبه دي ؟
ما علينا مش عاجبك الاسم نغيره بس انا قولت علشان مفيش اي اعراض جانبيه تطفو على سطح هذا المشروع النبيل
وعلى فكره انا رحت للمفتي قبلك والراجل معانا يا معلم ما هي الضرورات تبيح المحظورات
فاهمني يا مزاجنجي
Posted by
ROMIL |
٥:٤٧ م
مدونتك واسلوبك جميل ROMIL
بالنسبة لموضوع الرشوة دا كنت اسمعه كتير واسمع قصص ياما
بس بما انى مش بروح هنا ولا هنا ومش بخلص اوراق ولا بحتك بالنظام البيروقراطي لدولتنا المبجلة
فكنت اسمع بس لحد ما روحت مع بابا وماما مشوار ولقيت الست البتخلص اجراءات اعده وفتح درج مكتبها شوية والبيقدم طلب بيحطلها فية فلوس
اتصعقت ووشي احمر وازرق واصفر وحسيت انى بشوف شئ كنت اسمع عنه وفجاة لقيته اودامى
بس هي اول صدمة كدا وبعدها بقيت اشوف النظام شغال عادى جدا والرشوة سمة اساسية فى البلد
تاخد مخالفة فى المرور تدي بتاع المرور كم جنية يقوم مغير رقم عربيتك لحاجة قريبة تلبس فى حد تانى مش مشكلة برضة
وعلى فكرة عجبني اوى موضوع
لأ يا عمده لأ
ربنا يوفقك
Posted by
الزعيـمة |
٢:١٢ م
يعن نقول رسوم خدمة توزع مباشرة على الموظفين بعيد عن يد الدولة المخرومة
والله يا سيدى فكرة واقعية ولا فيها اى حاجه وترفع دخل الحزانا دول شوية
Posted by
shady |
١٠:٠٣ ص
كلنا بنحلم
بس يا ترى امتى هتتحقق الاحلام دي
تعرف
انا برضه ماعبيش بطاقة
Posted by
أُكتب بالرصاص |
١٢:٠٩ م
الراشي و المرتشي في النار
غير المسمى
ممكن نسميها؟؟؟؟ضريبه نفع و استنفع
و نعملها طلب حكومي بختم نسر لأ لألأ
بدل النسر نحط صورتك ما انت صاحب الفكره
و نسميه قانون روميل للمنفعه المتبادله بين الشعب و بعضيه
سلام يا رومي
Posted by
ام العيال |
١:٠٨ ص
زمان
قيل اذا اردت ان تنجز فعليك بالونجز
وده نوع سجاير
والأن
اذا اردت ان تلعب فعليك بالأرنب
تحياتى
زورنى
Posted by
جمال الدولي |
١٠:٢٧ م
يا مرتشين دلونى
الهبر فين اراضيه
Posted by
غير معرف |
١٠:٢٩ م
الزعيمة
شكرا على هذا التعليق الجميل
وأتمني المدوامه على ذلك
ROMIL
Posted by
ROMIL |
٥:٣٠ م
shady
يا مرحبا يا مرحبا
زعيم حزب العواطليه
يادي النور يادي النور
ألاقيش عندك شغلانه
بس الفكره اللى انت بتقول عليها ممكن أي حد تاني يجي ويخترع لنا نوع تاني من الرشاوي
سلامي ليك وللحزب
ROMIL
Posted by
ROMIL |
٥:٣٤ م
أُكتب بالرصاص
هو فيه أحسن من الاحلام
أما بالنسبه لموضوع البطاقه ماتخافشي انا أضمنك
ROMIL
Posted by
ROMIL |
٥:٣٥ م
ام العيال
مين قال ان الرشوه حرام
الضرورات تبيح المحظورات
شرفتي المدونه
ROMIL
Posted by
ROMIL |
٥:٣٧ م
جمال الدولى
شكرا على الزياره
بس كنت عايز اسألك
أنت دولي ازاي ؟
طيب لما اجي اطلبك اضيف كام زيرو؟
ROMIL
Posted by
ROMIL |
٥:٤٠ م
ابوامل
ملعوبه يا أبو أمل
ربنا يخليها لك
ROMIL
Posted by
ROMIL |
٥:٤٤ م
Epitaph
لا مش دي اخرتها
اخرتها جمهورية رشاويستان المهلبيه
Posted by
ROMIL |
٥:٥١ م